Një ngjarje e rëndë ka tronditur qytetin e Guatemalës më 8 nëntor, ku Jose Elias Ramirez, ish-kandidat për kryetar bashkie, është ekzekutuar në mes të ditës. Ngjarja ndodhi ndërsa Ramirez po ecte me partneren e tij, Anna Maria Andres, kur dy autorë të maskuar dhe të veshur si punëtorë dolën nga një makinë dhe hapën zjarr ndaj tyre.

Pamjet e kamerave të sigurisë tregojnë momentin e sulmit brutal: Ramirez dhe Andres u qëlluan disa herë, ndërsa autorët pas disa sekondash mbuluan trupin e Ramirez me xhaketën e tij dhe u larguan në drejtim të panjohur. Ngjarja ka shkaktuar tronditje të madhe në qytet dhe frikë tek qytetarët.

Rreth tetë orë pas vrasjes, Policia Kombëtare e Guatemalës lokalizoi makinën e përdorur nga sulmuesit, një automjet i raportuar si i vjedhur më 22 maj 2025. Ky informacion mund të ofrojë pista të rëndësishme për hetimin dhe zbardhjen e plotë të ngjarjes.

Hetimet janë në zhvillim e sipër dhe autoritetet po punojnë për identifikimin e autorëve dhe motivet e sulmit.