Një ngjarje e rëndë ka ndodhur në fshatin Palasë të Maliqit, ku Eduard Çarçani, 45 vjeç, është gjetur i pajetë i varur në kangjellat e murit rrethues të një banese.

Banorët e zonës rrëfejnë për jetën dhe zakonet e viktimës: “Ne nuk dimë gjë. Ai jetonte më shumë në Itali, pak kohë qe ka ardhur. Kishte problemet e tij, pinte shumë. Djali kishte shumë vite që jetonte në Itali me të ëmën dhe motrën, edhe dajat andej i kishte, shtëpia ishte e pa banueshme”, tregoi një banor.

Sipas dyshimeve paraprake, 45-vjeçari mund të ketë tentuar të hyjë në oborrin e banesës që nuk ishte e tij, por gjatë ngjitjes bluza i ngeci në kangjella, duke shkaktuar mbytjen fatale. Dyshohet gjithashtu se Çarçani ishte në gjendje të dehur në momentin e ngjarjes. Policia ka mbërritur në vendngjarje dhe po kryen hetimet për të sqaruar rrethanat e plota të rastit.