Gjykata Federale në Boston ka dënuar me 18,5 vite burg ish-stjuardin e “American Airlines”, Estes Carter Thompson III, pas shpalljes fajtor për përpjekje për shfrytëzim seksual të fëmijëve dhe posedim materialesh abuzimi që përfshinin një të mitur para pubertetit.
Ngjarja që çoi në arrestimin e tij ndodhi në shtator 2023, kur një 14-vjeçare gjeti një telefon të fshehur me shirit në kapakun e tualetit gjatë një fluturimi nga Charlotte drejt Bostonit.
Hetimet zbuluan se Thompson, nga Karolina e Veriut, kishte filmuar në fshehtësi të paktën pesë vajza të moshës 7 deri në 14 vjeç, përgjatë nëntë muajve.
“Viktimat janë privuar nga ndjenja e sigurisë dhe besimit në botë, duke mbetur me trauma të thella psikologjike,” theksuan prokurorët në dokumentet e gjykatës.
Pas dënimit, 18,5 viteve burg do t’i shtohen edhe 5 vite liri e mbikëqyrur. Thompson u arrestua në janar 2024.
