Ish-drejtori i Zyrës për Kontrollin e Pasurive të Huaja pranë Departamentit të Thesarit të SHBA-së, John Smith, ka deklaruar se ndryshimet e fundit në urdhrin ekzekutiv të Presidentit Joe Biden për Ballkanin Perëndimor janë një tregues i shqetësimit të vazhdueshëm të SHBA-së për situatën në rajon.

Në një intervistë për Zërin e Amerikës, Smith theksoi se këto ndryshime pasqyrojnë bindjen e SHBA-së se sanksionet, ose kërcënimi me sanksione, janë mjete të rëndësishme për avancimin e objektivave të sigurisë kombëtare dhe politikës së jashtme në Ballkanin Perëndimor.

Megjithëse nuk ka ende përcaktime konkrete të menjëhershme sipas urdhrit të ri ekzekutiv, kjo lëvizje shihet si një paralajmërim për veprime të mundshme nga SHBA ndaj aktorëve që cenojnë stabilitetin dhe sigurinë në rajon.