Ishte larguar prej një jave nga shtëpia dhe gjendet ditën e sotme i mbytur në ujërat e rezervuarit të Gjancit, gati 14 km larg qytetit të Korçës.
Viktima është identifikuar si Niko Ngjela, 67 vjec, dhe dyshohet se ka patur probleme të shendetit mendor.
Nga ajo ditë policia por dhe familjarët kanë pasur kontakte me persona të tjerë por duket se asnjëri prej tyre nuk ka pasur informacion për të.
Burime jo zyrtare thane se kanë qene banorë të zonës që kanë parë një trup në ujërat e rezervuarit dhe menjëherë kanë lajmëruar policinë lokale, e cila ka bërë të mundur dhe nxjerrjen e trupit pa jetë nga ujërat e këtij rezervuari.
Trupi i të moshuarit ndodhet në morg ku do behet dhe autopsia.
Njoftimi i Policisë:
Korçë/Informacion paraprak
Më datë 06.09.2023, rreth orës 17:30, në bregun e rezervuarit të Gjançit, Korçë, është konstatuar i pajetë, dyshohet i mbytur shtetasi N. N., 67 vjeç, banues në Korçë, i cili më datë 02.09.2023, ishte larguar nga banesa e tij.
Nga këqyrja paraprake e kufomës, nuk janë konstatuar shenja dhune.
Trupi i pajetë i 67-vjeçarit, do të transportohet drejt morgut, për të kryer ekspertizën mjekoligjore e cila do të përcaktojë shkakun e vdekjes.
Grupi hetimor po punon për sqarimin e rrethanave të ngjarjes.
