Gjendet pas 4 ditësh trupi i pajetë i 23-vjeçarit Llazar Palla.

Trupi i tij i pajetë është gjetur në rezervuar nga polumbarët.

Ka qenë familja e tij që ka bërë ditë më parë denoncimin për të riun, i cili ishte shurdh-memec dhe trajtohet me “kemp”.

Familjarët e Pallës kërkuan ndihmën e policisë për gjetjen e 23-vjeçarit ,i cili është parë për herë të fundit pranë rezervuarit të fshatit Sqepur.

Njoftimi i policisë:

Berat/Informacion paraprak

Ditën e sotme është gjetur i mbytur në rezervuarin e fshatit, Sqepur, Dimal, shtetasi Ll. P., 23 vjeç, banues në Sqepur, Dimal.

Shtetasi Ll. P. ishte shpallur në kërkim për largim nga banesa, në datën 14.03.2021.

Pas disa orësh kërkimesh, polumbarët e forcës Renea dhe shërbimet e policisë Dimal kanë bërë të mundur nxjerrjen e trupit të pajetë nga rezervuari.

Nga këqyrja paraprake e trupit nuk janë konstatuar shenja dhune.

Grupi hetimor po punon për zbardhjen e rrethanave të ngjarjes.