Italia do të ndërtojë dy struktura në Shqipëri për akomodimin e emigrantëve, të cilët do të qëndrojnë deri në përfundimin e shqyrtimit të kërkesës për azil.

Marrëveshja është nënshkruar mes kryeministres italiane Meloni dhe kryeministrit shqiptar Rama gjatë vizitës së fundit të tij në Itali.

Njëra strukturë do ndërtohet në Portin e Shëngjinit për pritjen e emigrantëve, ndërsa tjetra në Gjadër për akomodimin e tyre.

Këto struktura do të kenë kapacitet për të pritur deri në 3 mijë persona dhe mund të shërbejnë për deri në 36 mijë emigrantë në vit.

Strukturat do jenë nën juridiksionin e Italisë, ndërsa Shqipëria do ndihmojë me sigurinë.

Kjo marrëveshje paraqet një ndihmë të rëndësishme për Italinë në menaxhimin e rrjedhës së emigrantëve të paligjshme, sipas Melonit.