Forcat ajrore izraelite kanë vrarë Gholamreza Soleimani, komandantin e njësisë paraushtarake Basij, e njohur për rolin e saj në shtypjen e protestave antiqeveritare në Iran.

Sipas një njoftimi të Israel Defense Forces (IDF) në Telegram, operacioni u krye të hënën dhe kishte si objektiv eliminimin e drejtuesit të milicisë, e cila është e lidhur me Islamic Revolutionary Guard Corps. Soleimani kishte qenë në krye të Basijit për rreth gjashtë vite.

Deri më tani, nuk ka asnjë reagim zyrtar nga autoritetet apo mediat iraniane lidhur me këtë ngjarje.

Ngjarja pritet të rrisë tensionet në rajon, në një kohë kur marrëdhëniet mes Izraelit dhe Iranit mbeten tejet të tensionuara.