Organizatorët e festivalit të këngës Eurovision kanë konfirmuar se Izraeli do të lejohet të përmesojë në këtë ngjarje pas ndryshimeve në tekstin e këngës së tyre.

Në fillim, kënga kishte titullin “October Rain (Shiu i Tetorit)” dhe u ndalua për shkak të lidhjeve të mundshme me ngjarjet e fundit të tetorit dhe rregullave të neutralitetit politik.

Eden Golan, përfaqësuesi i Izraelit për konkursin “Eurovision 2024”, fillimisht kishte paraqitur një baladë të quajtur “October Rain (Shiu i Tetorit)”, e cila mendohet gjerësisht se i referohej sulmeve të Hamasit më 7 tetor. Megjithatë, kënga u ndalua me arsyetimin se shkeli rregullat për neutralitet politik, shkruan The Guardian.

Pas një premtimi fillestar për mos ndryshimin e tekstit, transmetuesi publik i Izraelit Kan, i cili është përgjegjës për zgjedhjen e përfaqësuesit të vendit, më vonë u pajtua të ndryshojë këngën pas thirrjes së presidentit izraelit Isaac Herzog për “rregullime të nevojshme” për të siguruar pjesëmarrjen e saj.