Shërbimi i burgjeve të Izraelit ka njoftuar lirimin e 1,968 të paraburgosurve, kryesisht palestinezë, si pjesë e marrëveshjes së armëpushimit në Gaza. Të liruarit u transferuan nga burgjet Ofer dhe Ktziot dhe më pas u lëshuan në Bregun Perëndimor dhe Jerusalemin Lindor pas miratimeve përkatëse.
Ky hap vjen në kuadër të planit të paqes në Gaza, të firmosur nga Presidenti i SHBA-së, Donald Trump, udhëheqësi egjiptian Abdel Fattah al-Sisi dhe presidenti turk Rexhep Taip Erdogan.
Gjatë konferencës në Sharm el-Sheik, al-Sisi theksoi se palestinezët kanë të drejtë për vetëvendosje, liri dhe një të ardhme pa luftë, duke jetuar në një shtet të tyre të pavarur pranë Izraelit, me siguri dhe njohje të ndërsjellë.
