Izraeli ka përshëndetur largimin nga pushteti të presidentit të Venezuelës, Nikolas Maduro, pas arrestimit dhe rrëzimit të tij nga Shtetet e Bashkuara, deklaroi ministri i Jashtëm izraelit, Gideon Saar.

“Izraeli përshëndet largimin e diktatorit që drejtonte një rrjet të narkotrafikut dhe terrorizmit dhe shpreson në rikthimin e demokracisë në vend, si dhe në vendosjen e marrëdhënieve miqësore mes shteteve,” shkroi Saar në rrjetin social X.

Deklarata vjen në vazhdën e zhvillimeve dramatike politike dhe ushtarake në Venezuelë, që kanë tronditur jo vetëm vendin, por edhe skenën ndërkombëtare.