Titulli: “Operacion Antidrogë në Tiranë: Drejtori i Shoqatës së Transportit Ndërqytetës Plagosur, 1 kg Kokainë Gjetur në Makinë”

Teksti:
Një operacion antidrogë u zhvillua në Tiranë mbrëmjen e 21 marsit, ku policia dhe agjentët e antidrogës kapën një makinë në rrugën “Mihal Duri”, pranë Lidhjes së Shkrimtarëve, pasi kishin informacione për transportimin e drogës.

Shoferi i makinës, Enea Sulejmani, në një tentativë për të ikur nga policia, përplasi me qëllim makinën e policisë dhe plagosi tre agjentë të antidrogës. Në kushtet e vetëmbrojtjes, një prej policëve qëlloi dhe plagosi Sulejmanin në kofshë.

Tre agjentët janë mirë, i plagosuri në spital
I plagosuri ka marrë plagë në kofshë dhe është dërguar menjëherë në spitalin e traumës nga punonjesit e policisë dhe ndodhet nën kujdesin e mjekëve, jashtë rrezikut për jetën.

Si pasojë e përpjasjes makina e policisë ka pësuar dëme të shumta, ndërsa policët janë rrëzuar për tokë, por për fat të mirë nuk raportohet për dëme serioze.

Në makine me 1 kg kokaine

Gjatë kontrollit të makinës u gjet një pako me peshë rreth 1 kg brenda së cilës dyshohet se lende narkotike kokainë. Gjithashtu në automjet me Sulejmanin janë konstatuar dhe dy persona të tjerë të cilët janë shoqëruar në ambientet e DVP Tiranë.

Në vendin e ngjarjes kanë mbërritur forca të shumta, përfshirë edhe AMP-në. Në vendngjarje ndodhet Drejtori i Përgjithshëm i Policisë Së Shtetit Muhamet Rrumbullaku dhe Drejtori i Policisë së Tiranës Tonin Vocaj.