Plani për vrasjen e 50-vjeçarit ka nisur më shumë se 3 muaj më parë kur Edmond Haxhia, djali i dajës së Elton Lekstakaj me të cilin familja e Nikulajt është në hasmëri, ka mbërritur nga Anglia në Shqipëri.

Ky i fundit mësohet se ishte me pasaportë britanike.

Pas ka mbërritur në Shqipëri, kushëriri i Elton Lekstakaj ka shkuar në zonën e Shkodrës ku ka marrë një makinë me qira dhe ka përgatitur planin e ekzekutimit.

Më 14 shkurt Edmond Haxhia ka udhëtuar nga Shkodra në Rinas ku ka pritur portugezin Ruben Saraiva, i cili dyshohet si ekzekutori i krimit, dhe janë rikthyer së bashku në Shkodër, ku kanë qëndruar në një banesë me qira deri ditën e vrasjes së biznesmenit.