Ditën e sotme, Jamarbër Malltezi, dhëndri i ish-kryeministrit Berisha si edhe ortaku i tij, Fatmir Bektashi do të dalë para trupës gjykuese për verifikimin e masave të sigurimit.

Seanca gjyqësore në Gjykatën e Posaçme do të mbahet në orën 13:00, ndërsa ende nuk ka një datë për Sali Berishën.

Ky i fundit, aktualisht është nën masën detyrim paraqitje dhe nuk mund të largohet nga vendi në lidhje me dosjen e privatizimit të ish-kompleksit Partizani.

Sipas SPAK, ish-kryeministri me veprime konkrete ka ndikuar në miratimin e ligjeve apo akteve nënligjore të cilat u përshtatën me kërkesat e 5 pronarëve, mes të cilëve përfitues ishte dhe dhëndri i tij, Jamarbër Malltezi.

Ky i fundit u arrestua të shtunën në Rinas teksa po priste bashkëshorten e tij.