Pas ndarjes nga Ben Affleck, Jennifer Lopez po nis një kapitull të ri në jetën e saj. Ylli i muzikës dhe aktrimit ka blerë një shtëpi të re luksoze pranë Los Anxhelosit, vlerësuar rreth 18 milionë dollarë, sipas raportimeve nga People.

Ky hap vjen pas përfundimit të divorcit të çiftit të njohur më 6 janar 2025. Lopez kishte paraqitur kërkesën për divorc më 20 gusht, ditën e përvjetorit të dytë të martesës, duke theksuar “ndryshime të papajtueshme”. Këngëtarja kishte filluar kërkimin për një shtëpi të re në pranverën e vitit 2024, dhe sipas burimeve, ajo ka qenë duke kërkuar në mënyrë diskrete që nga prilli i vitit të kaluar, kur u nda nga Affleck.

Në atë kohë, Lopez kishte menduar të blinte një pronë të jashtëzakonshme në Beverly Hills, një zonë që ofronte privatësi dhe fqinjësi me emra të njohur të industrisë së argëtimit. Megjithatë, ajo zgjodhi një shtëpi tjetër. Po ashtu, në korrik të vitit 2024, ish-çifti nxorën në shitje shtëpinë e tyre të përbashkët në Beverly Hills, e cila u listua për 68 milionë dollarë, pas një përpjekjeje për ta shitur pa listim publik që nga qershori i vitit të kaluar.

Nga ana tjetër, Ben Affleck ka blerë një shtëpi në Los Angeles për 20.5 milionë dollarë më 24 korrik, duke përfunduar blerjen në të njëjtën ditë kur Jennifer Lopez shiti apartamentin e saj në Nju Jork për 23 milionë dollarë, pas shtatë vitesh në treg. Shtëpia e re e Affleck përfshin pesë dhoma gjumi dhe është një tjetër hap drejt ndarjes së tyre të re.