Ylli i muzikës, Jessie J, ka dhënë një përditësim emocionues rreth luftës së saj me kancerin e gjirit. Gati një muaj pasi zbuloi se ishte diagnostikuar me kancer të gjirit në fazat e hershme, këngëtarja britanike shprehu shpresa të mëdha se sëmundja e saj “është zhdukur plotësisht” pas operacionit.

Në një postim në rrjetet sociale, Jessie J përmendi disa përparësi pas ndërhyrjes kirurgjikale, duke përfshirë rikthimin e gjoksit në gjendjen e mëparshme, kohën e kaluar me miqtë dhe momentet pozitive si shijimi i një filmi dhe masazheve. Megjithatë, ajo pranoi edhe vështirësitë që po përballet, duke shprehur dhimbje dhe shqetësim për pamundësinë e të qenit nëna aktive dhe për pasojat e operacionit si lodhja dhe problemet me gjumin.

Në një sqarim të mëvonshëm, Jessie J theksoi se rezultatet finale të trajtimit ende nuk janë marrë dhe se ajo “shpreson” që kanceri të jetë zhdukur. “Operacioni u bë vetëm katër ditë më parë dhe unë po përqendrohem te aspektet pozitive, por do të pres rezultatet dhe do t’i ndaj me ju sapo të kem siguri,” shkroi ajo.

Në fillim të qershorit, këngëtarja kishte zbuluar për publikun në Instagram lajmin e diagnostikimit, duke nisur kështu një rrugëtim të vështirë që po përpiqet ta kalojë me pozitivitet dhe kurajë.