Pas konferencës së përbashkët me Zelenskyn dhe Abazoviç, Rama ka publikua edhe një pjesë të takimit të tij me kryeministrin ukrainas Denys Shmyhal ku i kërkoi këtij të fundit që të rikonsideronte njohjen e Kosovës si shtet i pavarur, duke i thënë se ishte diçka që e meritonte me qëndrimet që mbajti ndaj Rusisë.
“Ju duhet të rikonsideroni njohjen e Kosovës pasi ata njerëz e meritojnë, ata realisht dëshmuan diçka të jashtëzakonshme sepse nuk mbetën peng i së shkuarës për të kujtuar sesi u soll Ukraina kur Kosova sulmohej. Kjo do të ishte mirë që Ukraina ta rikonsdieronte dhe të përçonte mesazhin e duhur në emër të komunitetit të ri politik evropian”, tha Rama në takim me kryeministrin ukrainas.
