Deputeti i Partisë Demokratike Dashnor Sula ka mbajtur një fjalim me tone të forta në Kuvend, kur tha se socialistët po kërkojnë me çdo kusht që të mbrojnë dhe të sigurojnë arratisjen e Arben Ahmetajt, përpara se SPAK të autorizohet për arrestimin e tij.

Sula tha se edhe pse ka dhjetëra raste të zyrtarëve të mazhorancës që janë vënë në pranga dhe nën hetim, ende sot akuzohet opozita për vjedhje.

Dashnor Sula:

Këtu është për të qeshur, dhe për të qarë, keni vjedhur ju apo kemi vjedhur ne. I keni ju njerëzit në burg apo i kemi ne? Çfarë ka ngelur këtu, të hiqni pantallonat këtu në mes të Kuvendit. Situata është aq e rënduar aq e turpshme, sa nuk ka ku të vejë më. Kemi rastin e zotit Tahiri, ku brenda ditës u bë raporti, keni një javë që sorollateni, që ata persona të fshehin gjurmët.

Jo moj jo nuk ju dhimset procedura juve, ma jepni shpjegimin ju zonja kryetare e Kuvendit, se pse u shty dy herë mbledhja e këshillit të mandateve. Është faji jonë që zotëria që duhet të jepte shpjegime nuk erdhi. Kryetarë bashkie në burg, deputetë në burg, ministra në burg…