Deputeti i Partisë Socialiste, Jurgis Çyrbja, ka dorëzuar mandatin e tij si deputet. Ai ka depozituar kërkesën për dorëheqje në Kuvend më datën 9 tetor. Çyrbja, i cili po mbyllte mandatin e tij të dytë, ishte zgjedhur për herë të parë në vitin 2017 dhe në zgjedhjet e vitit 2021 ishte një nga kandidatët më të votuar në qarkun Durrës, duke marrë gjithsej 6,583 vota.

Pas dorëheqjes së tij, vendin e Çyrbjes pritet ta zërë Erjon Meka, i cili në zgjedhjet e fundit siguroi 2,228 vota. Ky zhvillim shënon një tjetër ndryshim në përbërjen e Kuvendit, ndërsa pritet të konfirmohet zyrtarisht se kush do të zëvendësojë Çyrbjen në këtë pozita.