Pak ditë më parë, këngëtarja Ronela Hajati shkaktoi zhurmë të madhe në rrjetet sociale pas një komentimi mbi festat e famshme të reperit Diddy, duke i lidhur ato me situatën në industrinë e muzikës në Shqipëri. Sot, ajo ka bërë një reagim të ri në llogarinë e saj në Instagram.

“E si gjithmonë abuzohet, prandaj unë prej kohësh kam zgjedhur të mos nxjerr asnjë fjalë për asgjë që ndodh. I vetmi aktivitet është të nxjerr këngë, sepse edhe intervistat më bazike përherë shoqërohen nga tituj që s’kanë kurrë lidhje me ç’flas, apo me komente të hipotetizuara, sepse keni kurreshtje jo të shëndetshme. Më vjen kaq keq që për çdo gjë që ndodh – Showbizi është i targetuar për veprimet më të ulëta nga një mentalitet i përgjithshëm që zor se mund të rregullohet në vendet tona,” ka shkruar ajo.

Ronela vazhdoi duke e krahasuar Diddy-n me artistët e showbizit shqiptar, duke theksuar se “Diddy është një manjak me miliarda. Te ne i gjen që nëpër autobusa.” Ajo kritikoi kulturën e thashethemeve, duke thënë: “Stop targeting people kot dhe stop të vënit në gojët e të tjerëve, thashetheme të ndyra që i fryni vetë. Dhe po, ka emra sa të duash sinonim e ndoshta më keq se ai. I gjeni nëpër gazeta përditë!”