Ka gjykuar dhjetëra gjyqtarë dhe prokurorë për aftësitë profesionale dhe lidhjet me krimin, por vetë e ka mesataren e juridikut 5.9 si dhe rezulton me lidhje të shumëfishta me krimin.
Anëtarja e Kolegjit të Posaçëm të Apelimit, Natasha Mulaj, e cila gjykon në mënyrë përfundimtare nëse një gjyqtar duhet apo jo ta kalojë Vetingun, rezulton me një mesatare të ulët si dhe me lidhje të shumëfishta me krimin.
Natasha Mulaj është regjistruar në Fakultetin e Drejtësisë në vitin 1990 dhe është diplomuar në vitin 1996, pra dy vite me vonesë për shkak të ngeljes në provime.
Mesatarja e notave të Natasha Mulajt rezulton 5.9. Me një mesatare të tillë sot nuk pranohesh në fakultet, jo më të gjykosh gjyqtarët dhe prokurorët.
Siç duket nga lista e notave, shumicën e lëndëve Natasha Mulaj i ka marrë me notën kaluese 5.
Mulaj, jo vetëm u emërua anëtare e KPA, por u zgjodh edhe kryetare e Kolegjit të Posaçëm të Apelimit, ku shumica e anëtarëve ishin profesorë, me tituj shkencor dhe botime.
Natasha Mulaj ka edhe lidhje të shumëfishta me krimin.
Në vitin 1994, vëllai i saj Ilir Mulaj, ka vrarë në Tropojë, shtetasin Zeqë Neza, duke u dënuar 23 vite burg në mungesë, ndërkohë që krimin ka tentuar ta fshehë duke zhdukur provat. Duke pasur edhe vëllain tjetër Vladimir Mulaj, ish-oficer i policisë kriminale në Tropojë, Ilir Mulaj arriti t’i shpëtoi drejtësisë.
Më 12 shtator 1998, vëllai i saj Vladimir Mulaj, dhe Izet Haxhia e vjehrri i saj Elez Haklaj, kanë qenë pjesë e skenarit dhe grupit që ekzekutoi Azem Hajdarin.
Dy vëllezërit e saj Vladimir e Admir Mulaj, në vitin 2016, i kanë grabitur me presion 205 mijë Euro, italianit Silvio Allamandi, administrator i shoqërisë “Inisiativa Hidroelektrike Shqiptare” sh.p.k (HEC-Bushtrica).
Në 9 dhjetor 2019, Admir Mulaj, vëlla i komisioneres Natasha Mulaj, u denoncua në prokurori nga bosi i drogës Eduard Dauti për skemë mashtrimi 241 mijë Euro blerje apartamenti, firmosur nga Natasha Mulaj, si ish-menazhere e firmës.
Më 21 shkurt 2020, së bashku me ortakun e Geron Xhafës në trafikimin e drogës, Gramoz Murataj; është arrestuar e lënë në burg për lojëra fati të paligjshme në Tiranë edhe Elvis Mulaj, vëllai komisioneres së Vetingut, Natasha Mulaj.
Vëllezërit e saj kanë dalë në përgjime me disa grupe droge dhe kartele krimi në Tiranë.
Elvis Mulaj, njërit prej vëllezërve të kryetares së KPA Natasha Mulaj, është arrestuar si i implikuar në organizimin e basteve sportive në mënyrë të paligjshme.
Ndërkohë që edhe vetë Natasha Mulaj është e skeduar për mashtrime financiare me kredi bankare dhe për fshehje-falsifikim të sigurimeve shoqërore të punonjësve; kur punonte në bizneset e ndërtimit të vëllezërve të saj, Vladimir e Admir Mulaj.
