Ka nisur sot shpërndarja e materialeve zgjedhore për zgjedhjet e 25 prillit.

Zëdhënësja e KQZ-së Drilona Hoxha bëri me dije në një prononcim për mediat se është bërë gati baza materiale dhe shpërndarja e kamerave në çdo KZAZ.

Sot do të shpërndahet baza materiale për qarqet Kukës dhe Vlorë, Fier, Shkodër, Berat, Gjirokastër, Dibër ndërsa nesër do të vijojë me Tiranën, Elbasanin, Durrësin e Lezhën.

Fletët e votimit janë prodhuar nga kompania sllovene. Ka edhe fletë votimi të veçanta, për persona me aftësi të veçantë.

Materialet zgjedhore ngarkohen në kamionët e ushtrisë. Janë mbi 5100 qendra votimi në Shqipëri.

Shpërndarja në qendrat e votimit nis një ditë para zgjedhjeve. Procesi ndiqet nga policia. Sot pritet të shpërndahen materialet zgjedhore në KZAZ.