Kryetari i Partisë Demokratike, Sali Berisha, është shprehur se ka raporte mjaft transparente me Partinë e Lirisë dhe kryetarin e saj, Ilir Meta.

Teksa po fliste në konferencën e përjavshme me gazetarët, Berisha theksoi se protesta do të mbahet në boulevard, pavarësisht pengesave që përpiqet të nxjerrë Edi Rama.

Ai shtoi se megjithëse strumbullari i gjithë të këqijave janë sarajet e Ramës në Surrel, PD nuk do të zhvillojë protesta atje.

“Zoti Meta dhe Partia e Lirisë kanë qenë shumë transparent në këtë proces. Kandidatët po garojnë në disa bashki, 4-5 bashki. Zoti Meta ka pranuar primaret që në fillim. Ai mund ta thoshte që ne kërkojmë këto pa primare dhe në një koalicion do të shqyrtohej kjo gjë. Por ka qenë korrekt që në fillim.

Protesta do të zhvillohet në boulevard, s’kemi çfarë diskutojmë me Edi Ramën. Në Surrel nuk do i bëjmë protestat, sepse të strumbullari i të këqijave janë sarajet e Surrelit. Ai është nën mendësinë e sundimtarëve të vjetër. E shof që më shifni me çudi, por nga Surreli vijnë të këqijat”, është shprehur Berisha.