Ditën e sotme ai është thirrur nga Kryetarja e Kuvendit, Lindita Nikolla për të mbajtur rolin e Kryetarit të Grupit të PD-së.

Sipas tij, kjo “ngatërresë” është një lojë e Kryeministrit Rama për të mbajtur të gjallë konfliktin në opozitë, ku shton se dhe një pjesë e deputetëve të PD-së i janë bashkuar në këtë ‘aksion’.

Bardhi thotë se janë deputetët që e zgjedhin kreun e Grupit Parlamentar dhe tregon këtu se ditën e sotme 28 deputetë të kësaj partie e kanë deklaruar se kush është në krye të Grupit Parlamentar.

Gazment Bardhi:

Për grupin parlamentar të PD është e qartë se kush është kryetari, nuk ka asnjë paqartësi në këtë drejtim. Ka një lojë të Edi Ramës për të mbajtur konfliktin në opozitë, që për fat të keq janë bërë pjesë dhe disa deputetë. Janë deputetët që e zgjedhin këtë. Ditën e sotme, 28 deputetë të PD-së e kanë deklaruar se kush është kryetari i Grupit.