Në një postim në rrjetet sociale, moderatori ka ndarë një video nga momenti i surprizës në Big Brother Vip ku i atij e surprizoi në ditët e fundit të jetës. Ai shkruan se është i lumtur që doli nga Big Brother në kohën e duhur për të qenë edhe pak javë pranë të atit.
“Ky postim per te gjithe ju…. Ne emrin tim dhe te familjes time, ju falenderojme publikisht per ngushellimet dhe te gjithe mbeshtetjen emocionale qe na keni dhene te gjithe, jo vetem te afermit, shoqeria e koleget, por te gjithe shqiptaret, ndaj ju kerkoj ndjese publikisht nese nuk kam mundur t’i pergjigjem mesazheve tuaja por besoj qe me mirekuptoni ne kete pjese, pasi jane me mijera. Ne nje momet te dyte do ulem dhe do i shoh nje per nje.
Dhimbjen nuk e sheron asgje, koha mbase… por ju na keni dhene shume dashuri keto dite ndaj na e keni lehtesuar sado pak. Im ate u largua i ri, vetem 52 vite jete pavaresisht qe semundja e “plaki” para kohe, ama ne 52 vite jete tregoi qe mundet edhe te jesh njeri i mire, ne kete bote komplekse, dhe pavaresisht “plakjes” fizike, semundja nuk ia doli t’i plakte shpirtin dhe zemren. Ky Big Brother ndoshta nuk ishte i imi, ama per tim ate po. Do kem gjithe jeten kujtimin me te bukur, perqafimin me te ndjere me audio dhe video, qe sa here te me marre malli do e shoh. Keto dite kam falenderuar Zotin qe kam dale nga shtepia pikerisht ne ate moment, kur im ate kishte nevoje per mua. Faleminderit edhe nje here, nuk di si t’ju falenderoj madje, por faleminderit nga zemra”, shkruan Ronaldo.
Ai ka ndarë edhe një postim të dytë me një faleminderim për të gjithë atë që i kanë qëndruar pranë.
“Miq! Kane qene ore te pabesueshme per mua, keto pas daljes nga BIG-u. Gjej rastin t’ju shpreh mirenjohen te gjitheve publikisht, per te gjithe shqiptaret nga cdo cep i botes qe me kane mbushur shpirtin me dashuri dhe me kane bere te kuptoj qe une Big-un tim e paskam fituar.
Jam i lumtur qe njohen Ronaldon e vertete, aq sa munda te jepja ne 1 muaj. Jam kaq i lumtur per mesazhet tuaja vleresuese, te sinqerta dhe frymezuese. Ndjese qe nuk kam mundur t’i pergjigjem telefonatave miq, ndjese qe s’kam mundur t’ju ktheje pergjigje te gjitheve ketu ne Instagram, por me besoni qe jeni me shume seç e prisja.
Ju dua fort dhe ju jam mirenjohes qe perqafuat Ronaldon e vertete nepermjet Big Brother. Do mbetet eksperienca me e veçante e jetes time. Ju dua. Babush. Momentalisht po rri pak me veten time se me kishte marre malli. Shihemi”, shkruan ai.
