Georgina Rodriguez, e fejuara e futbollistit të njohur Cristiano Ronaldo, ka tronditur publikun me një deklaratë të fundit në dokumentarin e saj në Netflix. Ajo ka ndarë një përvojë të pazakontë që përfshin një takim të frikshëm me atë që e përshkroi si një figurë djallëzore në shtëpinë e tyre në Arabinë Saudite.

Në një nga episodet e dokumentarit, Georgina rrëfen se gjatë një dite të zakonshme, ndërsa po ushqehej vetëm, pa papritur një pamje të pazakontë:

“Një ditë po ushqehesha vetëm në shtëpi, dhe papritur ngrita kokën dhe pashë një fytyrë, me sy, shpatulla dhe brirë. Mendova me vete: ‘Au, duket si djalli’. Besoj se forcat e errëta ekzistojnë, por gjithashtu e di se jam e mbrojtur nga Zoti,” tha ajo.

Georgina vazhdoi të shpjegojë se jo vetëm ajo, por edhe fëmijët e tyre kanë ndjerë praninë e kësaj force të errët, të cilën ata e përshkruan si një “monstër”.

Deklaratat e saj kanë ngjallur shumë interes dhe diskutime në publik, duke shtuar një tjetër dimension të intrigës për jetën e Georgina Rodriguez dhe familjes së saj.