Zbardhen detaje të reja nga sherri pranë zyrave të LSI në Sauk të Tiranës.

Në sherrin me thika dhe sende të forta që u regjistrua gjatë natës që lamë pas në zonën e Saukut në Tiranë, rezulton të jetë përfshirë edhe kandidati i LSI për deputet në Qarkun e Tiranës.

Policia sqaron se kandidati është dëmtuar lehtë me sende të forta, ndërsa ka mbetur i plagosur me thikë vëllai i tij, shtetasi Oltjan Doka.

Klodian Doka është renditur i 32-ti në listën e kandidatëve për deputetë. Ai bashkë me vëllezërit e tij janë konfliktuar me tre persona të tjera për arsye ende të panjohura.