Vullnetarët dhe shërbimet e urgjencës po punojnë me shpejtësi marramendëse ndërsa përpiqen të evakuojnë njerëzit nga qyteti i rrethuar i Volnovakha, pasi Ministria Ruse e Mbrojtjes njoftoi se do të ndalonte bombardimet e saj atje, si dhe Mariupol, që të dy ndodhen në Ukrainën juglindore.

“Ne kemi dëgjuar nga miku im që jeton atje se ka kaq shumë njerëz brenda, në fakt nën ndërtesa, nën ndërtesat e shkatërruara,” tha për CNN Denys Tsutsayev, një nga vullnetarët që koordinon evakuimin.

“Ka probleme me ujin, energjinë. Ka kaq shumë njerëz pa ngrohje dhe asgjë që kanë qenë në Volnovakha gjatë gjithë këtyre ditëve,” tha Tsutsayev.

CNN mori një deshmi nga Marina Gasanova, një banore e një fshati afër Volnovakha, burri i së cilës është përpjekur të evakuojë njerëzit nga qyteti ditët e fundit.

Në fillim të kësaj jave, ajo shkroi:

“Situata në qytet është shumë e frikshme. Nuk ka mbetur pothuajse asgjë në qytet, diçka vjen në çdo minutë nga të gjitha anët, nuk është e qartë se çfarë … dhe nuk është e qartë se nga vjen. E frikshme, e çmendur!”

“Burri im tha: “Unë futem, aty qëndron një makinë, vij e kthehem, i nxjerr njerëzit jashtë, kur të vij prapë makina është në flakë”. Atje, çdo minutë, çdo sekondë, të gjithë qëllojnë. Nga të gjitha anët. Është thjesht e pamundur! Ka kufoma të shtrira përreth, krahë të shqyer, këmbë të grisura.”