Policia shqiptare ka arrestuar 54-vjeçarin Agim Shtyllza, i shpallur në kërkim ndërkombëtar nga autoritetet italiane për veprën penale “Trafikimi i narkotikëve”. Arrestimi u krye nga Forca e Posaçme “Shqiponja” në bashkëpunim me Interpol Tiranën, pas shkëmbimit të informacioneve me Interpol Romën.

Shtyllza u lokalizua dhe u kap në fshatin Stom Golem, ndërsa ndaj tij Prokuroria Publike e Torinos kishte lëshuar një urdhër arresti me masën e sigurisë “Arrest në burg” që në janar 2024.

Aktualisht, Interpol Tirana po vijon procedurat për ekstradimin e tij drejt Italisë, ku do të përballet me drejtësinë për akuzat që rëndojnë mbi të.