Një shpërthim me lëndë plasëse ka tronditur orët e para të mëngjesit qytetin e Lezhës, ku një automjet në pronësi të një efektivi policie është dëmtuar rëndë.

Sipas burimeve paraprake, automjeti i përket G.Gj., i cili shërben në strukturat e Policisë së Lezhës. Fatmirësisht, nga shpërthimi nuk raportohet për persona të lënduar, por janë shkaktuar dëme materiale të shumta.

Menjëherë pas ngjarjes, në vendin e ngjarjes kanë mbërritur forcat e policisë dhe grupi hetimor, të cilët po punojnë për të zbardhur rrethanat dhe për të identifikuar autorët e vendosjes së lëndës plasëse. Autoritetet po verifikojnë gjithashtu nëse shpërthimi ka lidhje me detyrën e efektivit.