32.5 C
Tiranë
Wednesday, August 13, 2025
spot_img

Karantina e dytë/ Merkel prezanton masat e ashpra.

Kancelarja Angela Merkel u përball me britma dhe një mori pyetjesh në Bundestagun gjerman këtë mëngjes, teksa njoftoi planet e qeverisë për një bllokim të dytë “më të butë”, raporton “The Guardian”.

Nga e hëna, baret, restorantet, teatrot, pishinat dhe sallat e fitnesit do të mbyllen për një muaj, dhe organizimet publike do të kufizohen deri në dy familje maksimumi ose mbledhje deri në dhjetë persona.

Për udhëtimet që janë të panevojshme thirrja eshte qe te shmangen dhe hotelet këshillohen të mos presin turistë.

Megjithatë, shkollat, çerdhet dhe dyqanet do të qëndrojnë të hapura.

Merkel tha të enjten në mëngjes se Gjermania ishte në një “situatë dramatike” ndërsa vendi po hyn në sezonin e dimrit.

Sipas Kancelares, “populistët që pretendojnë se koronavirusi është i padëmshëm janë të rrezikshëm dhe të papërgjegjshëm”.

“Gënjeshtrat dhe dezinformimi, teoritë e konspiracionit dhe urrejtja dëmtojnë jo vetëm debatin demokratik, por edhe luftën kundër virusit,” tha ajo, duke shtuar se kjo e vë në rrezik jetën e njerëzve.

“Dimri do të jetë i vështirë,” tha ajo. “Katër muaj të gjatë, të vështirë.                                   Por do të marrë fund ”.

Me rritjen e numrit të pacientëve Covid-19 në kujdes intensiv, që u dyfishua në dhjetë ditët e fundit, tha kancelarja, spitalet do të mbingarkohen “brenda disa javësh” nëse nuk ndërmerren hapa të tjerë për të frenuar përhapjen e virusit.

Por vendimi për bllokimin e ri është përballur me kundërshti të forta sidomos nga sektorët e gastronomisë.

Pavarësisht garancive për subvencione të mëtejshme shtetërore, restorantet, baret dhe hotelet do të goditen rëndë nga mbyllja e dytë.

Ka pak të dhëna që sugjerojnë që restorantet dhe baret ku klientët mbajnë maska, kanë nxitur rritjen e infektimeve së fundmi.

E djathta ekstreme AfD dhe FDP kryesuan kundërshtitë për masat e reja në Bundestag.

“Ne e konsiderojmë paralizimin e sektorit të kulturës dhe gastronomisë, praktikisht të gjithë jetën e lirë të qytetarëve tanë, si të tepërt dhe të papërshtatshme”, tha bashkë-drejtuesi i AfD Alexander Gauland.

As Gauland dhe as udhëheqësi i FDP Christian Lindner nuk ofruan propozime konkrete për një plan alternativ, siç është mbyllja e shkollave.

Agjencia e kontrollit të sëmundjes së Gjermanisë të Enjten regjistroi një rekord të ri me 16,774 infeksione të reja në 24 orët e fundit, megjithëse tani për tani shkalla e infeksionit në Gjermani është ende dukshëm më e ulët se në vendet fqinje si Franca ose Belgjika.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Adrola Dushi dhe Capital T kalojnë pushime private buzë detit, pranë familjes

0
Marrëdhënia mes modeles së njohur Adrola Dushi dhe reperit Capital T duket se është konsoliduar, ndërsa çifti po shijon disa ditë relaksi në një...

Horoskopi ditor, e Mërkurë, 13 Gusht 2025

0
Dashi Energjia juaj është e lartë dhe kjo ju ndihmon të përballoni çdo sfidë. Sot mund të bëni hapa të mëdhenj në punë. Demi Ditë e mirë...

Parashikimi I motit, e Mërkurë , 13 Gusht 2025

0
Moti do të jetë tipik veror me diell të fortë gjatë gjithë ditës. • Temperatura maksimale: 34–36°C në zonat e ultësirës dhe bregdetit; 28–30°C në zonat...

Arrestohet nje person në Prizren me 4.44 kg kokainë, vlera arrin në 300 mijë...

0
Një person është arrestuar nga Policia e Kosovës në Prizren më 11 gusht, pasi gjatë kontrolleve në dy lokacione iu sekuestrua një sasi e...

Meteoriti i rrallë që goditi një shtëpi në SHBA është më i vjetër se...

0
Një meteorit që goditi një shtëpi në Shtetet e Bashkuara më 26 qershor dhe shpërtheu çatinë e saj është zbuluar të jetë më i...