Ndërsa Olsi Bylyku është tashmë një prej banorëve të reality show “Big Brother”, një tjetër emër i njohur pritet të bashkohet në një tjetër sfidë televizive. Egli Tako ka bërë diçka të ngjashme, duke treguar interesimin për të qenë pjesë e një tjetër programi televiziv, këtë herë në “Ferma Vip”.

“Ferma Vip” është një reality show që pritet të fillojë në mars dhe do të transmetohet në Vizion Plus, me producenten Holta Dulaku në krye.

Egli është parë në mjediset ku po punon aktualisht stafi i Fermës (pak ditë më parë) dhe mendohet se do të jetë një nga personazhet publikë, që do të bëhet pjesë e fermës më të famshme në Shqipëri.

Duke qenë se ajo tashmë i është përkushtuar me kohë të plotë edhe botës së ‘fitnessit’ duket se do të jetë ideale për këtë format të ri televiziv që është i njohur në shumë vende të botës.

Mesa duket ish partnerët do të jenë rivalë jo vetëm në jetë, por edhe në formatet që kanë zgjedhur të garojnë, kështu që fitoftë më i miri…