Një ngjarje tragjike ka ndodhur në fshatin Dojan të Tropojës, ku një konflikt i papritur ka çuar në përdorimin e armës dhe humbjen e jetës së 43-vjeçarit Artur Dauti. Ngjarja ka ndodhur rreth orës 13:40, kur Flordian Mulaj, rreth 35 vjeç, ka qëlluar me armë zjarri (pistoletë) Artur Dautin për motive të dobëta, të cilat ende nuk janë sqaruar.

Gazetari njoftoi se mes autorit dhe viktimës nuk ka pasur probleme të mëparshme, duke e bërë motivin e krimit ende të panjohur. Sipas informacionit paraprak nga policia, viktima ka ndërruar jetë në vend pas plagëve të marra.

Menjëherë pas ngjarjes, autoritetet kanë nisur një operacion për kapjen e autorit. Forcat operacionale nga DVP Kukës dhe Njësia Shkodër të Forcës Kombëtare të Sigurisë janë nisur për të lokalizuar dhe arrestuar Flordian Mulaj. Grupi hetimor, nën drejtimin e Prokurorisë, po vazhdon punën për zbardhjen e plotë të ngjarjes dhe për hetimin e rrethanave që çuan në këtë tragjedi.