Këshilltari i Departamentit Derek Chollet, bashkë me një delegacion ndërinstitucional, do të vizitojë vendet e Ballkanit nga data 11-17 dhjetor.

Në njoftimin e DASH thuhet se pjesë e axhendës së Chollet janë të gjitha vendet e Ballkanit si: Kosovë, Serbi, Bosnje dhe Hercegovinë, Maqedoninë e Veriut, Mal të Zi, Kroaci si edhe Belgjikë, por mungon Shqipëria.
DASH thotë senë fokus të vizitës është rikonfirmimi i përkushtimin të SHBA-së për paqen, stabilitetin dhe prosperitetin e rajonit.
Më 12-13 dhjetor, këshilltari Chollet do të udhëtojë në Prishtinë, Kosovë, ku do të takohet me zyrtarë qeveritarë dhe liderë të tjerë politikë për të diskutuar bashkëpunimin e vazhdueshëm për një sërë çështjesh, duke përfshirë përpjekjet e SHBA-së për të avancuar integrimin e Kosovës në strukturat evropiane dhe euroatlantike.

Po ashtu në fokus të vizitës në Kosovë do të jetë edhe dialogu mes Prishtinës dhe Beogradit.

Më 13 dhjetor, Chollet do të vazhdojë Serbinë, ku do të diskutojë sigurinë energjetike, integrimin ekonomik rajonal dhe përparimin drejt objektivit të Serbisë për anëtarësim në BE me udhëheqjen e qeverisë serbe.

Më 14 dhjetor, këshilltari Chollet do të udhëtojë në Sarajevë, Bosnje dhe Hercegovinë për t’u takuar me përfaqësues të institucioneve qeveritare të BiH për të diskutuar mbi sundimin e ligjit, reformat ekonomike, energjitike dhe të mbrojtjes.

Më pas Chollet do të udhëtojë drejt ku do të takohet me liderët e qeverisë për diskutime mbi një sërë çështjesh, duke përfshirë energjinë, ekonominë dhe luftën kundër korrupsionit.

Më 15 dhjetor, këshilltari Chollet do të udhëtojë në Podgoricë, Mal i Zi për t’u takuar me udhëheqësit e qeverisë dhe shoqërinë civile për të diskutuar ngërçin aktual politik, angazhimin tonë të përbashkët për sigurinë rajonale dhe përparimin e vazhdueshëm të Malit të Zi drejt integrimit euro-atlantik.

Në Zagreb, Kroaci, Këshilltari do të takohet me zyrtarë qeveritarë për të diskutuar bashkëpunimin në mbrojtje, sigurinë energjetike evropiane, si dhe prosperitetin ekonomik dhe sigurinë në rajon, dhe ai do të finalizojë traktatet e ndihmës juridike të ndërsjellë dhe ekstradimit të Kroacisë me Shtetet e Bashkuara.

Nga data 16-17 dhjetor, Chollet do të jetë në Belgjikë për të diskutuar bashkëpunimin me partnerët evropianë dhe aleatët për një sërë çështjesh globale, duke përfshirë mbështetjen e vazhdueshme për Ukrainën, rrugën e anëtarësimit në BE dhe integrimin evropian të vendeve të Ballkanit Perëndimor, sigurinë energjetike.