Pas përjashtimit nga shtëpia më e famshme në Shqipëri për shkak të daljes nga muri, Kristi Lamaj ishte i pranishëm në studio ku komentoi largimin e tij.

Ish-banori shpjegoi se këtë herë kishte vendosur të ndiqte logjikën dhe veten e tij, duke kërkuar falje publikut:
“Është një shtëpi e jashtëzakonshme, ka disa momente të jashtëzakonshme, edhe unë e kam thënë kur bëra monologun. Herën e parë zgjodha familjen time, edhe produksionin, edhe herën e dytë publikun, edhe herën e tretë zgjodha veten time. Ishte një zgjedhje, i besova logjikës time, edhe ashtu vendosa, edhe nuk do doja kurrë që ky publik që mua më ka mbështetur, edhe unë e ndjeva dashurinë, edhe nuk do doja që të kisha një ndarje kështu me publikun”.

Kristi shtoi gjithashtu se loja kishte nisur me të dhe kishte përgatitur skema për banorët: “Loja nisi me Kristin, edhe u zhvillua çdo gjë në lojën time, edhe kisha skema për banorët, edhe jo një, por tre skema. Nga dera vetëm hyje për Kristin”.