Qytetet e Ukrainës , përfshirë kryeqytetin e vendit, Kievin, pësuan goditje të reja ruse dje gjatë të shtunës dhe pas ndryshimit të orës.

Raketat ruse u rrëzuan mbi dy lagje të Kievit rreth tridhjetë minuta pas mesnate, njoftoi përmes Telegramit kryebashkiaku i kryeqytetit Vitali Klitschko, duke sqaruar se, sipas informacioneve të para, nuk ka viktima.

Komanda ushtarake e Kievit njoftoi se 23 “shënjestra” u shkatërruan.

Ndërkohë, Vyacheslav Gladkov, guvernatori i Belgorod, një rajon rus në kufi me Ukrainën, tha se për shkak të bombardimeve ukrainase, u raportuan dëme në shtëpi në periferi të qytetit Sebekina, por nuk pati viktima. Kievi në përgjithësi nuk merr përgjegjësinë për sulmet në Rusi.