New York, qershor 2025 – Kim Kardashian ka rikthyer vëmendjen e të gjithëve në rrjetet sociale me një seri fotosh provokuese që ndezën Instagramin të shtunën në orët e para të mëngjesit. 44-vjeçarja pozoi nudo në dhomën e një hoteli luksoz në Manhattan, në një set artistik me dritë të zbehur dhe atmosferë sensuale, të realizuar nga artistja vizuale Indiana.

E vendosur në pozicione të kuruara deri në detaj, ylli i “The Kardashians” shfaqet herë krejtësisht lakuriq, herë e mbuluar pjesërisht me një bluzë bikini dhe një këmishë të madhe mashkullore. Aksesuarët Chrome Hearts dhe grimi i theksuar i shtojnë dramën portreteve, të cilat shumë ndjekës i krahasuan me videot ikonike të saj nga fillimet e famës.

Me përshkrimin “Ora 2 e mëngjesit me kohën e New Yorkut”, Kim rikonfirmon pozicionin e saj si një prej figurave më të diskutueshme dhe më influente në industrinë e showbiz-it – një përzierje mes erotizmit të kontrolluar dhe mjeshtërisë së marketingut personal.

Por ndërsa Kim ndez rrjetin me artin e saj provokues, ish-bashkëshorti Kanye West bëri një lëvizje po aq të befasishme, këtë herë jashtë qendrës së mediave sociale. Reperi 47-vjeçar u shfaq papritur në gjykatën federale të New Yorkut, ku po zhvillohet gjyqi ndaj mikut të tij të dikurshëm, Diddy.

I veshur me një kostum të bardhë xhinsi, Kanye nuk mori pjesë në seancën kryesore, por qëndroi rreth një orë brenda ndërtesës, duke u përshëndetur publikisht me djalin e Diddy-t, Christian Combs – një gjest që është interpretuar nga shumë si akt solidariteti ndaj familjes së producentit të akuzuar për trafik droge dhe shantazh, akuza të cilat Diddy i ka mohuar me forcë.

Kjo “rastësi” e Kim dhe Kanye në të njëjtin qytet, në dy skena krejt të ndryshme por po aq mediatike, po ushqen edhe më shumë interesin e publikut për lëvizjet e dyshes më të famshme të dekadës së fundit – tashmë të ndarë, por kurrë jashtë titujve.