Klevis Balliu, shefi i organizmit në Partinë Demokratike (PD), ka reaguar ashpër përmes një postimi në rrjetet sociale, duke akuzuar Edi Ramën dhe qeverinë e tij për lidhje me interesat e George Sorosit dhe se ata po sulmojnë të gjithë ata që denoncojnë korrupsionin dhe aferat e përfshira në qeverisje.
Në postimin e tij, Balliu thekson se sulmet që vijnë nga Rama dhe mbështetësit e tij, janë të drejtuara ndaj atyre që duan të zbulojnë dhe ekspozojnë abuzimet me fondet publike, duke i quajtur këto sulme si një metodë për të mbajtur të fshehura aferat monstruoze të qeverisë.
Ai gjithashtu përmend faktin se pas arrestimit të Erion Veliajt, Edi Rama u vetshpall menjëherë kryetar i Bashkisë së Tiranës, duke e quajtur këtë një akt të papranueshëm, që tregon se pushteti është i centralizuar dhe vjedhja e parave publike është një proces që ndodh me dijeninë dhe kontrollin e Ramës.
Sulmet e Ramës të dirigjuara nga Soros për të goditur kundërshtarët që çmontojnë prokurorët Sorosist të Edi Ramës.
Shërbimi i Ramës ndaj Sorosit është i pandalshëm edhe sot ai godet ashpër të gjithë ata që denoncojnë aferat monstruoze të tij dhe vartësve të tij.
Kushdo që mendon se këta pseudo pushtetarë mund të vidhnin qindra-miliona Euro të qytetarëve pa urdhrin e Edi Ramës, që 5 minuta pas arrestimit të Veliajt u vetshpall kryetar bashkie, në rastin më të mirë është naiv dhe në tërsi është pjesë e vjedhjes.
Por ai do të ketë fatin që ju rezervoj edhe kolegëve të tij si Veliajt edhe Beqajt & Co.
