Të gjithë kemi pasur ditët kur dëshirojmë të qëndrojmë në shtrat dhe të harrojmë botën, por kur kjo bëhet një gjendje kronike, mund të ketë shkaqe më të thella, duke përfshirë një çrregullim të quajtur klinomania. Ky është një çrregullim psikologjik ku individi ka një dëshirë obsesive për të qëndruar në shtrat, shpesh si një mënyrë për të shpëtuar nga ankthi, depresioni ose problemet e tjera emocionale.
Shkaqet dhe Simptomat:
Klinomania mund të shoqërohet me simptoma të tilla si lodhje e zgjatur, vështirësi për t’u përqendruar, izolim social, dhe apati. Kjo mund të ketë shkaqe të ndryshme, përfshirë depresionin dhe ankthin, si dhe probleme fizike si çrregullimet e gjumit dhe çrregullimet hormonale.
Si Mund të Dalim Nga Kjo:
- Krijimi i një Rroutine: Të ngriheni në të njëjtën orë çdo ditë mund të bëjë një ndryshim të madh. Rutinat e thjeshta ndihmojnë trurin të organizohet dhe të krijohen mundësi për aktivitet gjatë ditës.
- Dielli dhe Aktiviteti Jashtë: Duke kaluar disa minuta në ajër të pastër dhe diell, mund të stimulojmë ndihmën natyrore që na jep vitamina D dhe ndihmon përmirësimin e disponimit.
- Mësimi i Diçkaje të Re: Kur jeta ndjehet e mërzitshme, mësimi i një gjëje të re mund të mbajë trurin aktiv dhe të rrisë vetëvlerësimin. Zgjedhja e një hobi të ri ose një aktiviteti mund të japë ndjenja të arritjeve të vogla dhe të bëjë që dita të duket më e plotë.
- Kërkimi i Ndihmës Profesionale: Kur gjendja bëhet më serioze, është e rëndësishme të konsultoheni me një specialist, i cili mund të ofrojë terapi dhe mundësi të tjera mbështetëse.
Kujdesi për Veten:
Një nga këshillat më të rëndësishme është të mos i injoroni shenjat që trupi dhe mendja juaj dërgojnë. Kur ndiheni të bllokuar në një spirale lodhjeje dhe mungese motivimi, është e rëndësishme të kërkoni ndihmë dhe të kujdeseni për veten tuaj.
Një hap i parë mund të jetë thjesht të dalim nga shtrati dhe të bëjmë një hap të vogël për të rigjetur kontrollin mbi jetën tonë.
Dashi (21 Mars – 19... 
