Këshilli i Lartë i Prokurorisë pritet që të mblidhet sot për të zgjedhur drejtuesin e ri të prokurorisë së Tiranës, pas shkarkimit të kryeprokurores Elisabeta Imeraj, nga KPA.

Emërimi i drejtuesit të komanduar do jetë me afat 3 mujor, dhe mund te zgjidhet nga rradhët e prokurorisë së Tiranës, por edhe të institucioneve të tjera të drejtësisë.

Elisabeta Imeraj ishte zgjedhur në krye të prokurorisë së Tiranës që prej vitit 2018.

Ajo kaloi me sikses shkallën e parë të Vetingut, por u shkarkua dje në KPA, pas përplasjeve të forta me vëzhguesit ndërkombëtar.

Këta të fundit këmbëngulën për shkarkimin e prokurores, e cila duhet thënë se në CV e saj mban dosje të rëndësishme, përfshirë dhe ato për Emiljano Shullazin dhe Saimir Tahirin.

Pas dhënies së vendimit nga KPA, Imeraj u shpreh se çështjen do të çonte në Gjykatën e Strasburgut, dhe tha se nuk kishte marrë përgjigje nga Kolegji, se kush ishte investuar kaq shumë në shkarkimin e saj.