Një koleksion prej pothuajse 200 veprash arti të Hunter Biden është shkatërruar nga zjarret që përfshijnë Los Anxhelosin, ka konfirmuar The Post. Veprat ishin ruajtur pranë shtëpisë të avokatit të Hunter-it, Kevin Morris, në Pacific Palisades të Hollywood, dhe vlerësohen me “miliona dollarë.”

Morris, i cili ka ofruar një hua prej gati 5 milionë dollarësh për të paguar një faturë tatimore dhe po financon një dokumentar mbi Hunter Biden, jeton në një vilë luksoze, që fatmirësisht ka mbetur e paprekur nga zjarri. Presidenti Biden kishte shprehur shqetësimin për shtëpinë e djalit të tij në Malibu, afër zonës së përfshirë nga zjarret, por ka konfirmuar që ajo mund të ketë shpëtuar.

Veprat e artit të Hunter Biden janë vlerësuar deri në 500,000 dollarë për secilën, ndërsa çmimi mesatar është rreth 85,000 dollarë. Morris ka blerë disa prej këtyre veprave për 875,000 dollarë përmes galeristit Georges Berges. Veprat, përfshirë lule të bëra në letër japoneze, janë kritikuar për mënyrën e shitjes së tyre, pasi Shtëpia e Bardhë kishte siguruar se identiteti i blerësve do të mbetet sekret për të shmangur çdo konflikt interesi.

Zjarret që po shkatërrojnë disa pjesë të Los Angeles kanë shkaktuar humbje të mëdha, ndërsa veprat e artit të Hunter-it tani janë një tjetër viktimë e kësaj katastrofe natyrore.