Forcat kolumbiane të sigurisë kanë sekuestruar 8.2 ton kokainë në portin Buenaventura, në bregun e Paqësorit, në një nga kapjet më të mëdha të drogës në historinë e vendit. Lajmin e bëri të ditur presidenti Gustavo Petro përmes një postimi në platformën X.

“Policia Kombëtare sekuestron 8.2 ton kokainë në portin e Buenaventurës. Është një nga kapjet më të mëdha të kokainës në historinë e Kolumbisë. Deri tani këtë muaj, Policia Kombëtare ka konfiskuar 24 ton,” deklaroi Petro.

Në vitin 2023, Kolumbia regjistroi një rekord prej 848.5 ton kokainë të konfiskuar, një rritje prej 14% krahasuar me një vit më parë. Këto shifra e vendosin vendin si një nga prodhuesit më të mëdhenj të kokainës në botë, me Shtetet e Bashkuara dhe Evropa si tregjet kryesore për këtë substancë.

Në Evropë, vetëm gjatë vitit 2023, autoritetet kapën mbi 300 ton kokainë, me portin e Antwerp në Belgjikë duke regjistruar një rekord prej 121 tonësh.

Kjo kapje në Buenaventura tregon përpjekjet e vazhdueshme të Kolumbisë për të luftuar trafikun e drogës dhe për të parandaluar shpërndarjen globale të substancave të paligjshme.