Komisariati i Policisë së Vlorës ka nisur një procedim penal për dy shtetas, njëri 33 vjeç dhe tjetri 28 vjeç, pas një sherri të ndodhur mes tyre me mjete të mprehta. Sipas policisë, 33-vjeçari ka plagosur lehtë 28-vjeçarin gjatë konfliktit.

Gjatë marrjes në pyetje, ky i fundit dyshohet se ka dhënë deklarata të rreme, me qëllim fshehjen e rrethanave të vërteta të ngjarjes. Hetimet për zbardhjen e ngjarjes po vijojnë.