Kompania gjermane ajrore “Lufthansa” ndalon fluturimet e saj me Rusinë për shkak të luftës në Ukrainë!

Një zëdhënës i kompanisë i tha BILD: “Lufthansa nuk do të përdorë më hapësirën ajrore ruse për shtatë ditët e ardhshme për shkak të situatës aktuale. Fluturimet drejt Rusisë do të pezullohen gjatë kësaj periudhe”.

Dy avionë u kthyen në ajër për shkak të njoftimit të shkurtër! “Fluturimet që janë në hapësirën ajrore ruse do të largohen përsëri së shpejt” tha zëdhënësi i linjës ajrore.

“Grupi Lufthansa po monitoron nga afër situatën dhe është në kontakt të ngushtë me autoritetet kombëtare dhe ndërkombëtare” tha ai. “Siguria e pasagjerëve dhe ekuipazhit tonë është prioriteti ynë kryesor në çdo kohë”.

Gjermania, nga ana tjetër, dëshiron të mbyllë hapësirën e saj ajrore për avionët rusë. Ministri i Transportit Volker Wissing (51, FDP) mbështet mbylljen dhe ka urdhëruar që të përgatitet gjithçka për të, njoftoi ministria e tij të shtunën në mbrëmje.