Një konflikt i çastit në Këlcyrë ka përfunduar me procedim penal për një 17-vjeçar, i cili ka goditur me sende të forta një 44-vjeçar.

Sipas njoftimit të Policisë së Gjirokastrës, ngjarja ka ndodhur për motive të dobëta, ndërsa shtetasi A. M., 44 vjeç, ka pësuar dëmtime të lehta.

“Specialistët për Hetimin e Krimeve të Stacionit të Policisë Këlcyrë referuan materialet në Prokurori, ku nisi procedimi penal për një 17-vjeçar, banues në Këlcyrë, për shkak se dyshohet se gjatë një konflikti të çastit ka goditur me sende të forta shtetasin A. M.”, thuhet në njoftimin zyrtar.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.