Sot do të konstituohet grupi i dialogut mes Rithemelimit dhe Partisë Socialiste për trajtimin e ligjeve që kërkojnë shumicë votash, 3/5, si dhe për ligjet e nevojshme për rrugëtimin në Bashkimin Evropian.

Mbledhja me dyer të mbyllura ka filluar në sallën e Komisionit parlamentar të Ligjeve, ku pritet të përzgjidhen 3 anëtarë nga opozita dhe 3 nga mazhoranca për të përfaqësuar interesat e tyre.

Janë publikuar emrat e disa anëtarëve të propozuar për grupin e dialogut, duke përfshirë Oerd Bylykbashin nga Rithemelimi, Erisa Xhixho nga Partia e Lirisë, dhe Dhurata Çupin si anëtare zëvendësuese nga Rithemelimi.

Nga ana tjetër, nga mazhoranca, pritet të jenë pjesë e grupit Damian Gjiknuri, Klotilda Bushka dhe Toni Gogu.

Ky grup pritet të marrë vendime me konsensus për ligjet që duan 84 vota, duke përfshirë Reformën Zgjedhore, për të siguruar përparësi të nevojshme për rrugëtimin në Bashkimin Evropian, nëpërmjet dakordësisë së palëve pjesëmarrëse në dialog.