Kafja vijon të mbetet një nga produktet më të preferuara në Shqipëri, duke shënuar rritje të ndjeshme të konsumit gjatë katër viteve të fundit.

Sipas të dhënave zyrtare të Instituti i Statistikave, konsumi i kafes ka arritur në 10.2 mijë ton në vitin 2025, nga 8.9 mijë ton që ishte në vitin 2021. Në total, kjo përfaqëson një rritje prej rreth 27.5%.

Konsumi i kafes (2021–2025)
• 2021 – 8.9 mijë ton
• 2022 – 7.6 mijë ton
• 2023 – 8.6 mijë ton
• 2024 – 8.6 mijë ton
• 2025 – 10.2 mijë ton

Pas një rënieje në vitin 2022, konsumi është rikuperuar dhe ka arritur kulmin në vitin 2025.

Rritje edhe e çmimit

Shtimi i kërkesës është shoqëruar edhe me rritje çmimesh. Nëse në vitin 2024 çmimi mesatar për kilogram ishte rreth 690 lekë, në vitin 2025 ai ka arritur në 720 lekë.

Arsyet nuk lidhen vetëm me tregun vendas. Prodhuesit kryesorë në nivel global janë përballur me thatësira, probleme klimatike dhe ulje të prodhimit, ndërsa kostot e transportit janë rritur. Si rrjedhojë, çmimet në bursat ndërkombëtare kanë shënuar nivele të larta, ndikim që është reflektuar edhe në Shqipëri, e cila është tërësisht e varur nga importi i kafes.

Diferenca çmimesh sipas zonave

Edhe brenda vendit, çmimi i një filxhani kafeje ndryshon sipas zonës. Në disa pjesë pranë qendrës së Tiranë, një kafe mund të kushtojë deri në 120 lekë, ndërsa në zona periferike çmimi mbetet rreth 80 lekë.

Nga kafenetë e lagjeve deri te baret në qendrat urbane, si edhe në zyra apo shtëpi, kafja është kthyer në një pjesë të pandarë të përditshmërisë – jo vetëm për shqiptarët, por edhe për turistët që vizitojnë vendin.