Pasditen e kësaj të enjte, oficerë të Byrosë Kombëtare të Hetimit, shoqëruar nga forcat e policisë, kanë kryer kontrolle në zyrat e kompanisë farmaceutike “Delta Pharma” në Kashar, Tiranë.

Kontrollet lidhen me hetimet për ish-ministrin e Shëndetësisë, Ilir Beqaj, dhe janë shtuar te kompania Avicena dhe farmacitë “Ditë e Natë”, të cilat janë në pronësi të Delta Pharma.

SPAK nuk ka bërë një informacion zyrtar për arsyet e kontrolleve, por burime sugjerojnë lidhjen me një kontratë të “Delta Pharma” për furnizim të Ministrisë së Shëndetësisë dhe verifikimin e kontratave të farmacive ‘Ditë e Natë’.

SPAK gjithashtu vazhdon hetimet për koncesionet në shëndetësi në kohën kur Beqaj drejtonte Ministrinë e Shëndetësisë, duke e akuzuar për shpërdorim detyre për koncesionin e sterilizimit.