Policia e Shtetit dhe Byroja Kombëtare e Hetimit, me urdhr të SPAK, kanë kryer kontroll në banesën e Ish-Ministrit të Shëndetësisë, Ilir Beqaj, në rrugën e “Barrikadave”. Kontrolli ka ndodhur në kontekstin e hetimit për koncesionin e “Sterilizimit”, ku Beqaj është nën hetim për shpërdorim detyre në procedurat e këtij koncesioni.

SPAK ka caktuar masën e shtrëngimit të paraqitjes në policinë gjyqësore për Beqajn dhe ka ndaluar daljen e tij jashtë vendit pa autorizim gjyqësor.

Ish-ministri do të paraqitet çdo të premte në Byroën Kombëtare të Hetimit.

Beqaj është një nga zyrtarët më të lartë nën akuzë lidhur me shkeljet në kontratën e sterilizimit, një çështje që ka përfshirë edhe arrestimin e biznesmenit Ilir Rrapaj dhe zëvendësit të tij në Ministrinë e Shëndetësisë, Klodian Rrjepaj, në gusht të këtij viti.