Detaje të reja nga plagosja e 14 vjeçarit mbrëmjen e djeshme në Korçë. Gjendja e të miturit të plagosur është e rëndë sipas informacioneve nga spitali, thuhet se ka marrë dëmtime në kokë dhe është nisur drejt spitalit të Traumës në Tiranë për mjekim të specializuar.

Burime nga policia, bëjnë me dije se konflikti është mes një grup të miturish, më konkretisht një grup nga një lagje me një grup nga lagje tjetër.

Fillimisht sherri ka filluar në biseda telefonike, e më pas ka degraduar në rrahje ku 14 vjeçari është goditur me dru në kokë.

Deri më tani, gjatë gjithë natës, në polici janë shoqëruar më tepër se 10 persona (të mitur dhe dëshmitarë okularë nga vendi i ngjarjes), ku po merren në pyetje mbi rastin e ndodhur. Shkaku ende nuk dihet, ndërsa situata mbetet e komplikuar për shkak të përfshirjes së disa të miturve në këtë ngjarje.